Bioteknologirådet er eit frittståande, rådgjevande organ oppnemnt av Regjeringa. Seinast frå 1. januar 2021 skal rådet vere lokalisert i Bergen. Rådet er organisert som eit eige forvaltingsorgan og er underlagt Helse- og omsorgsdepartementet (HOD) i administrative spørsmål. Verksemda i sekretariatet er styrt av prioriteringane rådet gjer.

Bioteknologirådet skal kome med informasjon til publikum og forvaltinga, og fremje ordskifte kring dei etiske og samfunnsmessige konsekvensane ved bruk av moderne bioteknologi.