Faggruppeleiar tilbodsutvikling
- Arbeidsgiver
- Skyss
- Sted
- Sandsli
- Søknadsfrist
- 18. mai 2021
Vis mer
- Bransjer
- Offentlige tjenester / Forvaltning, Transport / Logistikk / Lager
- Arbeidstid
- Fulltid
- Jobbtype
- Fast
- Sektor
- Offentlig
Stillingsopplysninger
Korleis skal vi skape løysingar for kollektivtrafikk og mobilitet som både ivaretek miljøet og behova til innbyggjarane?
Skyss skal gjennom framtidsretta mobilitetsløysingar utvikle berekraftige byar og bygder i Vestland! Vi har som mål å gje den enkelte moglegheit for å reise frå der dei er til dit dei skal. Dette gjer vi ved å utvikle og tilby attraktive kollektiv- og mobilitetstenester med utgangspunkt i FN sine berekraftsmål. I dag utvikler vi tilbodet med buss, bybane, ferje og båt i heile Vestland fylke. Det ligg store oppgåver framfor oss både med å utvikle dette tilbodet vidare - og å etablere nye mobilitetsløysingar. Digital transformasjon gir nye moglegheiter for å utnytte store data og ny teknologi, og sy tenester saman på nye måtar til det beste for innbyggjarane i Vestland.
Til arbeidet med å utvikle kollektiv- og mobilitetstilbodet søker vi ein leiar med interesse og engasjement for berekraftig utvikling og gode mobilitetsløysingar. I stillinga vil du bidra til å forme kollektivtrafikk og mobilitetsløysningar for framtida.
Skyss er ei eining i Vestland fylkeskommune med om lag 100 tilsette og eit budsjett på vel 4 milliardar kroner.
Arbeidsoppgåver
Som leiar for faggruppa tilbodsutvikling vil du jobbe med strategisk utvikling og konkrete planar for det samla kollektiv- og mobilitetstilbodet i Vestland. Dette er eit tett samarbeid mellom avdelingsleiar, faggruppa og andre kompetansemiljø i og utenfor Skyss. Arbeidet inneber mellom anna utvikling av
- linjenett med buss og bybane i Bergensområdet gjennom samarbeid i Byvekstavtalen
- samanhengande regionalt kollektivnett som bind fylket saman med buss, båt og ferje
- nye mobilitetsløysingar som "Hent meg", mikromobilitet, delingsløysingar og sjølvkjørande transport
Til stillinga ligg også oppgåver knytt til
- nullsleppsløysingar for alle transportformer, gjennom t.d elektrifisering av buss og båttransport
- bidrag til by- og samfunnsutvikling gjennom fysisk tilrettelegging for mobilitet og kollektivtrafikk, t.d i byrom, knutepunkt, haldeplassar og terminalar
- å bygge nettverk og ha dialog med sentrale samfunnsaktørar
Leiar for faggruppa vil ha personalansvar for medarbeidarane i gruppa og bidra til godt samarbeid med dei andre fagmiljøa i organisasjonen.
Fagområdet vårt er i rask utvikling, og du vil kunne få ei nøkkelrolle i å skape dei nye, gode løysingane som både tek omsyn til miljøet og til transportbehova til innbyggjarane.
Kvalifikasjonar
Vi ønsker kandidatar som har
- høgare relevant utdanning, f.eks. mastergrad eller tilsvarande
- erfaring med leiing i komplekse organisasjonar, evt. erfaring som prosjekt-/prosessleiar
- god formidlingsevne, skriftleg og muntleg
- kjennskap til Bergen og vestlandsregionen er ein fordel.
Personlege eigenskapar
Vi ser etter deg som
- brenn for berekraftig utvikling, og har engasjement for kollektivtransport og mobilitet
- er interessert i ny teknologi, store datamengder (big data) og moglegheitene dette kan gje for analyse og innsikt
- ønsker å leie og inspirere dyktige kunnskapsmedarbeidarar
- er ein relasjonsbyggjar med evne og lyst til formidling
- trivst med mange ballar i lufta, og likevel evner å behalde struktur og oversikt
- er fleksibel og samarbeidsorientert
- kan omsette strategiske mål i konkrete resultat.
Vi tilbyr
- ei unik moglegheit til å forme eit godt kollektiv og mobilitetstilbod i heile Vestland fylke
- eit godt miljø med fagleg sterke og engasjerte kollegaer
- gode og stabile arbeidstilhøve i Vestland fylkeskommmune
- fleksibel arbeidstidsordning
- løn etter avtale
- gode offentlege pensjons- og forsikringsvilkår.
Andre opplysningar
- Administrasjonsmålet i Vestland fylkeskommune er nynorsk
- Stillinga er ei fast tilsetjing i Vestland fylkeskommune
- Stillinga har kontorstad på Sandsli i Bergen, fram til nytt fylkesbygg i Bergen sentrum står klart
- Alle nye tilsettingar vert gjort med ei prøvetid på 6 månader Vi gjer merksam på at i følgje offentleglova § 25,2.ledd kan opplysningar om søkjaren verte offentleggjort sjølv om søkjaren har oppmoda om ikkje å bli ført opp på offentleg søkjarliste. Søkjar som har bedt om unntak vil alltid bli varsla på førehand dersom søkjarlista vert offentleggjort
--------------------------------------------------------
Vennligst referer til DN.no i din søknad.
Firma
Hordaland fylkeskommune har som ei av sine oppgåver å arbeide for eit best mogeleg kollektivtilbod i fylket. Skyss planlegg, kjøper og marknadsfører kollektivtransporttenester for buss, bybane og båt. Vårt arbeid innverkar på kvardagen til veldig mange menneske og vi har stor respekt for oppgåva. Kontoret vårt ligg i Bergen sentrum. For meir informasjon sjå www.skyss.no
- Website
- http://www.skyss.no/
Få jobbvarsler
Opprett et jobbvarsel og få tilpassede jobbanbefalinger rett i innboksen din.
Opprett varsel